ساقى منى مهمان ائله بیر ساغره خاطیر
دولدور منه پیمانه گتور دیلبره خاطیر
سنده دور ایاغه هله ائى نازلى نیگاریم
پیش میزی قلمدانی گتور دفتره خاطیر
آچ پنجره نی جانیمه صوبحون یئلى دگسین
غررا صلوات عرض ائله پیقمبره خاطیر
هر چند سفرنامه داخی یازمییاجایدیم
یازدیم بو کیچیک قطعه نی نور آزره خاطیر
شهریور آیی شهریارین ایل دؤنومونده
گئتدوخ گینه تبریزه همان سروره خاطیر
پیمان پاشازاده داخی نور آزریلن من
آبباسدا گؤتوردو ساکینی بیزلره خاطیر
تبریزده تازا دوسلاری تاپدی بیزی آتدی
تک قویدو هتل ده بیزی تک داوره خاطیر
هر چند دئدوخ گل بو داشی توک اتگیندن
قوربتده بیزی آتما آدون حیدره خاطیر
پیماندا اکیلدی تاری بیلسین هارا گئتدى
شاید نظرى سوقاتیمیش همسره خاطیر
بیر كؤهنه. طیر تاپدی هتل دن پاشازاده
هئى گزدی اونون دؤوره سینی پنچره خاطیر
نیلوفر آدیندا قیز اوشاقین دیله دوتدی
ایستلله همیشه اوشاقی مادره خاطیر
اوچ گون شعرا وئردیله ترتیب محافل
صرراف سخن شاعیر نام آوره خاطیر
بیر پخمه مورید دوتدی بیزیم منتشیمیزدن
گئتدیم هارا دوشدى دالیما مئنتره خاطیر
بعضى تازا شاعیر گؤیه ریبدیر آمان آلله
نه شرمی نه اوستاده قویور بیر کره خاطیر
نه قافیبه نه وزن قانیللار نه صنعت
اصلا نه قویوللار نه دوزا شککره خاطیر
ائى شئعر "نو" ایجاد ائلى ین ذاتیوه لعنت
قانلار قورودو سنده اولان نئشتره خاطیر
افسانه اوخورسان بیزه یا بوخچی سوخورسان؟
قورتار داخی شهزاده علی اکبره خاطیر
یا قانتورولان چک بونی یا آرشینیلان اؤلچ
یا حرفینی سای شوقه ریبین لنگره خاطیر
بو شورو حجازیله جماز اوسته اوخونماز
مین ائششگه جاز اوسته اوخو عرعره خاطیر
س....قزلین داد دوزونا قویمادین اصلا
بولبول . گوله. نه ساقی یه نه ساغره خاطیر
عومرونده فقط بیر بونا دیلخوشدو "کریمی"
مدح ائیله مه ییب بیر كسى سیم و زره خاطیر
نوع مطلب :
برچسب ها :
لینک های مرتبط :