آددیم-آددیم
؛
ان دوْغودان ان باتی‌یا آددیم-آددیم آددیملادیم
گیزه‌مسل‌دن بۆگوشونه بؤیله آجونو آرادیم
'شینتو'سیندان 'یۆکسک تینه'، ساری،آغ، قارا، قیزیل‌لا
گئچمیشین‌دن ایندییه‌دک بیلیم یئلبیزین دارادیم
اؤیله بیر یوْلون یوْلچوسو بولونارکن آنلیغیم‌دا
دۆشوندویوم دۆشونجه‌نین قاورام‌لارینی قاورادیم
یئری،گؤیو،ساغی،سوْلو،گزه-گزه اؤزلویومه
دؤندوم آتاکیملیگیم‌ده آنادیلیمه اوغرادیم
یارانیش‌دان پای وئریلن چیرپینان اؤزوتون تؤزون
گؤزلریمده دیللندیرن سؤزجوک وارلیغیم یارادیم
بیره‌یسل‌لیک ارده‌مینی بیرر کیشی‌سل سئزگیسین
آنلاشیلمازلیق سوْرونون چلیشکی‌سینی آبرادیم
اره‌نلیک ائوره‌نسل باخیش دیلیم کیمین اؤزوم یاساق
قارالاندیم نه کیمسه‌نی قارالادیم نه قارادیم
سئودا یوْلچوسو "بختیار" سئودالی قانیب آنلایار
سوسقونلوغا بۆرونسم ده کیمسه سیله بیلمز آدیم
(بختیار فرخ)
نوع مطلب :
برچسب ها :
آددیم-آددیم،
لینک های مرتبط :
